ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

«Հորիզոն Եվրոպա» 2021-2027 թթ. ծրագրի շրջանակներում կշարունակի գործել «Մարի Սկլոդովսկա-Կյուրի» գործողությունների ծրագիրը (Marie Skłodowska-Curie Actions, MSCA)` հնարավորություններ ընձեռելով հետազոտողների և գիտական ու գիտատեխնիկական կազմակերպությունների համար:

Մարի Սկլոդովսկա-Կյուրի գործողությունների ծրագիրը առանցքային նշանակություն ունի գիտության զարգացման, միջազգային և միջառարկայական գիտական համագործակցության համար:

2021 թ. մարտի 23-ին` Երևանի ժամանակով ժ. 12:00-15:30 (9:00 – 12:30 CET) տեղի կունենա առցանց տեղեկատվական հանդիպում՝ «Հորիզոն Եվրոպայի» շրջանակներում  «Մարի Սկլոդովսկա-Կյուրի» գործողությունների ծրագրում կատարված փոփոխությունների վերաբերյալ, որի ընթացքում կներկայացվի ծրագրին դիմելու ընթացակարգը, իրենց փորձով կկիսվեն նախորդ ծրագրի շահառուները և ղեկավարները: Առանձին կներկայացվի հետդոկտորական (նախկինում` անհատական) կրթաթոշակի համար դիմելու կարգը:

Միջոցառմանը կարող են մասնակցել հետազոտողներ, բուհերի, գիտական և գիտատեխնիկական կազմակերպությունների, գիտության ֆինանսավորմամբ զբաղվող գործակալությունների, մասնավոր հատվածի ներկայացուցիչներ,  ինչպես նաև ոլորտով հետաքրքրված այլ  անձինք:

Հետաքրքրող հարցերը հնարավոր է ուղղել կազմակերպիչներին մարտի 18-ից սկսած:

Հանդիպմանը առցանց մասնակցելու հղումը` https://webcast.ec.europa.eu/marie-sklodowska-curie-actions-msca-under-horizon-europe-information-event:

Միջոցառման ծրագիրը և այլ մանրամասներ