ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Խորհրդարանական լսումներ` «Գիտական եւ գիտատեխնիկական փորձաքննության մասին» ՀՀ օրենքի նախագծի վերաբերյալ

28.03.2013

Մարտի 28-ին Ազգային ժողովի 334 սրահում անցկացվեցին խորհրդարանական լսումներ` «Գիտական եւ գիտատեխնիկական փորձաքննության մասին» ՀՀ օրենքի նախագծի վերաբերյալ:

 

Նախագիծը ներկայացրեց ՀՀ ԿԳՆ ԳՊԿ նախագահ Սամվել Հարությունյանը:  Նա նշեց, որ oրենքի ընդունումը հնարավորություն կտա ներդնել գիտական եւ գիտատեխնիկական ծրագրերի ընտրության ու հաշվետվությունների գնահատման ժամանակակից եղանակ, կնպաստի միջազգային մակարդակին համապատասխան նախագծերի ընտրությանն ու արդյունավետ իրականացմանը եւ գիտության ոլորտի ֆինանսավորման արդյունավետության բարձրացմանը: Նախագծով սահմանվում են գիտական փորձաքննության հիմնական խնդիրները, սկզբունքները եւ ձեւերը, փորձաքննության մասնակիցների իրավունքներն ու պարտականությունները, հստակեցվում են փորձագետի պատասխանատվության սահմանները եւ այլն:

 

Լսումների ընթացքում հնչեցված առաջարկությունները կքննարկվեն նախագծի հեղինակների կողմից եւ, ըստ անհրաժեշտության, կընդգրկվեն նախագծում:

 

Տեղեկատվության եւ հասարակայնության հետ կապերի բաժին