ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Հունիսի 10-ին ՀՀ ԿԳՆ գիտության պետական կոմիտեում տեղի ունեցավ հանդիպում Միավորված ազգերի Եվրոպական տնտեսական հանձնաժողովի տնտեսական համագործակցության եւ ինտեգրման բաժնի պետ Խոսե Պալասինի եւ նույն բաժնի աշխատակից Քրիստոֆեր Աթեյի հետ: ՄԱԿ-ի ներկայացուցիչները ժամանել են Երևան` ՀՀ գիտաինովացիոն ոլորտի, նրա ենթակառուցվածքի ուսումնասիրության, վերլուծության եւ Հայաստանի Հանրապետության ինովացիոն հնարավորությունների ու զարգացման հեռանկարների մասին զեկույց նախապատրաստելու նպատակով:

 

Հանդիպման ընթացքում Գիտության պետական կոմիտեի նախագահ Ս. Հարությունյանը ներկայացրեց Հայաստանի գիտության ներկայիս վիճակը, Գիտության պետական կոմիտեի առջեւ դրված խնդիրները, դրանց լուծումները, ԳՊԿ կողմից  իրականացվող ծրագրերը, այդ թվում՝  մեգա-ծրագրերը:

 

ԳՊԿ աշխատակազմի գիտական քաղաքականության վարչության պետ Վ. Սահակյանը ներկայացրեց կոմիտեի նպատակները, մշակված փաստաթղթերը, մասնավորապես`  գիտության զարգացման ռազմավարությունը եւ ռազմավարական ծրագիրը:

 

Հանդիպմանը մասնակցում էր նաեւ ՀՀ արդյունաբերության զարգացման հիմնադրամի ներկայացուցիչ Ա. Գեւորգյանը, ով ներկայացրեց ազգային ինովացիոն համակարգի բաղադրիչները, ինովացիոն գործունեությանն աջակցող ինստիտուտները, գիտություն-արտադրություն համագործակցության զարգացման ուղիները: