ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Նոյեմբերի 13-14-ը Ժնևում տեղի է ունեցել «Երկրի զննման խումբ» (Group on Earth Observations -GEO) համաշխարհային նախաձեռնության 11-րդ գագաթաժողովը, որի ժամանակ Հայաստանի Հանրապետությունը հայտարարվել է GEO-ի 94-րդ անդամ:

Նոյեմբերի 19-ին Երևանի Մ. Հերացու անվան պետական բժշկական համալսարանում կազմակերպվել էր գիտաժողով «Կլինիկական բժշկագիտության արդի հիմնախնդիրները» թեմայով: Գիտաժողովը նվիրված էր թիվ 1 համալսարանական կլինիկական հիվանդանոցի հիմնադրման 100-ամյակին:

Գիտաժողովի մասնակիցներին իր ողջույնի խոսքն էր հղել նաև ՀՀ ԿԳՆ գիտության պետական կոմիտեի նախագահը:

2014 թ. նոյեմբերի 18-20-ը ՀՀ ԿԳՆ ԳՊԿ աշխատակազմի ղեկավար Լ. Մարդոյանը գործուղվել էր  ՌԴ Դուբնա քաղաք՝ Միջուկային հետազոտությունների միացյալ ինստիտուտի ֆինանսական կոմիտեի նստաշրջանին մասնակցելու նպատակով:

2014 թ. նոյեմբերի 17-ին  ՀՀ ԿԳՆ գիտության պետական կոմիտեի նախագահը մասնակցեց Հայաստանի պետական ճարտարագիտական համալսարանի (Պոլիտեխնիկ) հերթական 19-րդ տարեկան գիտաժողովի առաջին լիագումար նիստին:

Գիտաժողովը կազմակերպվել է ՀՀ ԿԳՆ գիտության պետական կոմիտեի ֆինանսական աջակցությամբ:

Նոյեմբերի 14-ին ՄԱԿ-ի հայաստանյան գրասենյակում տեղի ունեցավ ՄԱԿ-ի Եվրոպական տնտեսական հանձնաժողովի կողմից պատրաստված Հայաստանի ինովացիոն զարգացման զեկույցի շնորհանդեսը: Զեկույցը պատրաստվել է  2013-14 թթ. ՄԱԿ-ի Եվրոպական տնտեսական հանձնաժողովի մասնագետների և փորձագետների կատարած մեծածավալ ուսումնասիրությունների ու քննարկումների հիման վրա: