ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

«Հայոց պատմություն» քառհատորյակի քննարկումները շարունակվում են

11.06.2009

Հունիսի 9-ին Գիտության պետական կոմիտեի նախագահ Ս. Հարությունյանը մասնակցեց ԵՊՀ-ում կազմակերպված սեմինարին, որտեղ հերթական անգամ քննարկումների թեմա էր դարձել ՀՀ ԳԱԱ-ի կողմից նախապատրաստվող  «Հայոց պատմություն» քառահատորյակը:

 

Քննարկումներն այս անգամ ևս ծավալվեցին աշխատության ամենաշատ տարակարծություններ առաջ  բերած մասերի՝  առաջին հատորի  2-5-րդ գլուխների շուրջ, որոնցում ներկայացվում են հայ ժողովրդի ծագումնաբանական և լեզվաբանական հարցեր: Հրավիրված մասնագետներն անդրադարձան շումերեն-հայերեն նույնաբանական խնդիրներին, ուրարտական թագավորության լեզվի և ժամանակակից հայերենի համեմատական վերլուծությանը:

 

Տեղեկատվության եւ հասարակայնության հետ կապերի բաժին