ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Փետրվարի 1-ին ՀՀ ԿԳՄՍ նախարարությունում տեղի է ունեցել պետական մարմինների աշխատակիցների մասնակցությամբ հրաձգության հանրապետական մրցաշարի հաղթողների ու մրցանակակիրների պարգևատրման արարողությունը:

Մրցաշարին մասնակցել է ՀՀ նախագահի աշխատակազմի, նախարարությունների, Կառավարությանն առընթեր մարմինների, Երևանի քաղաքապետարանի և մարզպետարանների աշխատակիցներից կազմված 36 թիմ՝ շուրջ 170 աշխատակցով։

Հրաձգության հանրապետական մրցաշարում թիմային պայքարում ՀՀ գիտության կոմիտեի թիմը տեղ է գտել լավագույն տասնյակում: Լավագույն տասնյակում ընդգրկվել է նաև կոմիտեի գիտության քաղաքականության վարչության գիտության քաղաքականության և զարգացման ծրագրերի բաժնի գլխավոր մասնագետ Նաիրա Սուքիասյանը՝ կանանց անհատական մրցապայքարում:

Թիմային պայքարում առաջինից երրորդ հորիզոնականներն զբաղեցրել են, համապատասխանաբար, ՀՀ պետական եկամուտների կոմիտեի, ՀՀ վարչապետի աշխատակազմի և ՀՀ վիճակագրական կոմիտեի թիմերը:

 

Մանրամասները՝ https://escs.am/am/news/15210