ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Հոկտեմբերի 19-ին Մ. Մաշտոցի անվան հին ձեռագրերի ինստիտուտում՝ Մատենադարանում իր աշխատանքներն է սկսել «Միջուկային հետազոտությունների միացյալ ինստիտուտի օրերը Հայաստանում» խորագրով միջազգային գիտաժողովը` նվիրված ՄՀՄԻ հիմնադրման 60-ամյակին:

Հրավիրում ենք մասնակցելու Դուբնայի  Միջուկային Հետազոտությունների Միացյալ Ինստիտուտի (ՄՀՄԻ, Դուբնա, Ռուսաստանի Դաշնություն) 60-ամյակին նվիրված «ՄՀՄԻ օրերը Հայաստանում»  միջոցառումների  բացման հանդիսավոր  արարողությանը, որը  տեղի է ունենալու հոկտեմբերի 19-ին, ժամը 11-ին, Մատենադարանում: 

Համաձայն ՀՀ աշխատանքային օրենսգրքի 29-րդ հոդվածի 7-րդ կետի՝ գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում բարձր արդյունավետությամբ հատուկ գիտահետազոտական աշխատանքներ իրականացնող լաբորատորիաների աջակցության տրամադրման հայտերի ներկայացման վերջնաժամկետը հոկտեմբերի 15-ի փոխարեն համարվում է հոկտեմբերի 17-ը ներառյալ  (Երևանի ժամանակով մինչև ժամը 18:00):

Հոկտեմբերի 14-ին ՀՀ ԿԳՆ գիտության պետական կոմիտեի նախագահի տեղակալ Վարդան Սահակյանը մասնակցեց ՀՀ ԳԱԱ Մ. Աբեղյանի անվան գրականության ինստիտուտի առաջատար գիտաշխատողներ Քնարիկ Տեր-Դավթյանի (Արևշատյան) և Ալբերտ Մուշեղյանի հոբելյաններին նվիրված մեծարման ցերեկույթին:

Հոկտեմբերի 13-ին ՀՀ Ազգային ժողովի Հայաստան-Իտալիա բարեկամական խումբը կազմակերպել էր կրթության և գիտության ոլորտներում Հայաստան-Իտալիա համագործակցությանը նվիրված քննարկում: